牛魔 (已結業)

尖沙咀棉登徑一向有好多美食，係大排長龍嘅華嫂冰室有間裝修幾好嘅燒肉店，內裝幾別緻，牆上掛咗唔同嘅油畫，而且餐廳樓底非常之高，空間感好大，食燒肉一啲都唔覺得污煙漳氣。午餐嘅午市選擇非常多價位由70幾蚊到二百幾蚊都有，嚟到點樣可以唔食燒肉呢？二百幾蚊嘅燒肉午餐最吸引我覺得係佢嘅牛肉燒肉，有成六款唔同牛肉嘅部位，每款仲有成兩塊添，可以同朋友一齊分享，佢啲午餐set都會包前菜沙律同牛骨湯，每樣食物都好精緻，不過最重要我都覺得係佢啲牛肉肉質非常靚，又入口即溶嘅感覺。