影片
更多
2018-08-07
1001 瀏覽
朋友訂左私房菜，我同老公收工就約埋一齊去，港島我地都係開住google map去穩陣D啦。去到發覺好中西合壁，有中國既佈置又有F1跑車既畫。我開始期待一陣有咩食啦！第一道黎既係三層小食拼盤，用既係英式下午茶既三層碟，果然中西合壁啊。內容有蝦多士，炸得好脆，蝦好新鮮，配埋他他醬好好食；琵琶豆腐又係熱辣辣炸起，正；鵝肝薄餅，肥香係個口浪下浪下，鐘意既人一定好滿足！古早錦滷雲吞，經理介紹話跟足以前咁做，入面有叉燒粒，魷魚粒，豬肝，我第一次食咁豐富既錦滷雲吞，個皮好脆配山渣做既醬汁好好食。蟹肉竹笙花膠羹，因為支持唔食魚翅，其實都仲有好多中式湯羹好食得黎又上到大枱嫁！蟹肉拆得好細心唔會有殻，清得黎好有鮮味～正啊 主菜係我同老公既至愛北京填鴨啊，佢係table size即場片比我地既，個皮有微火溫住佢唔怕凍左又乾又硬，貼心！隻鴨好肥好香，咁多個人share一隻鴨實在唔夠喉呢！ 慢燒牛肋骨，睇落好普通但食落係我全晚最喜歡既菜呢！佢好淋好香牛肉味，配埋個醬我可以食兩碗飯！必叫！之後係順德煎釀鯪魚，好考心機既一味菜，老公食到lam lam脷啊～ 生拆蟹肉大良奶，好濃奶味好滑，雖然已經有D飽，但加左咇汁一
第一道黎既係三層小食拼盤，用既係英式下午茶既三層碟，果然中西合壁啊。內容有蝦多士，炸得好脆，蝦好新鮮，配埋他他醬好好食；琵琶豆腐又係熱辣辣炸起，正；鵝肝薄餅，肥香係個口浪下浪下，鐘意既人一定好滿足！
古早錦滷雲吞，經理介紹話跟足以前咁做，入面有叉燒粒，魷魚粒，豬肝，我第一次食咁豐富既錦滷雲吞，個皮好脆配山渣做既醬汁好好食。
蟹肉竹笙花膠羹，因為支持唔食魚翅，其實都仲有好多中式湯羹好食得黎又上到大枱嫁！蟹肉拆得好細心唔會有殻，清得黎好有鮮味～正啊
主菜係我同老公既至愛北京填鴨啊，佢係table size即場片比我地既，個皮有微火溫住佢唔怕凍左又乾又硬，貼心！隻鴨好肥好香，咁多個人share一隻鴨實在唔夠喉呢！
慢燒牛肋骨，睇落好普通但食落係我全晚最喜歡既菜呢！佢好淋好香牛肉味，配埋個醬我可以食兩碗飯！必叫！
之後係順德煎釀鯪魚，好考心機既一味菜，老公食到lam lam脷啊～
生拆蟹肉大良奶，好濃奶味好滑，雖然已經有D飽，但加左咇汁一樣好食！
之後就係牛肉煎米粉，米粉脆卜卜，好食！
最後既甜品係椰汁雪糕紅豆冰！太好食啦，如果係紅豆沙我未必會食晒，哈哈，但紅豆冰太有驚喜啦！呢晚食得好飽坐得好舒服，下次再咁大班朋友黎就岩晒啦！
張貼
