豊勝手丼 (已結業)

銅鑼灣祟光感謝祭，陪女兒去掃平貨，之後去食晚餐，我哋都喜歡食日本菜，就去咗登龍街的豊勝手丼食,餐廳主打日式海鮮丼，裝修擺設像似日本居酒居。環境氣氛都好有日本feel。生燒白鱔：白鱔燒得皮香脆，肉質嫩滑，帶有魚油的油香。廚師發辦丼：刺身共有六款，主要有帆立貝、大拖羅和鮑魚，其餘三種刺身就由廚師決定以當天最新鮮嘅那些時令魚生，今日就有赤身、真鯛，池魚。刺身件件厚切又新鮮，帆立貝味道鮮甜，肉質扎實爽脆。大拖羅油脂細膩豐富，魚香濃郁入口即化。鮑魚鮮甜彈牙。赤身含脂量少，肉質較實，有咬口，赤身既肉比較紅，食落去魚味會好重。真鯛味道分外鮮甜美味。池魚肉質緊實而爽口、略帶油香，味道鮮甜。壽司飯已經調啱味道，是值得一試的高質丼飯！信州蘋果梳打香甜又略帶微酸，清新十足。