影片
更多
2018-03-18
313 瀏覽
旺角兆萬一向多食店，見新開的火鍋店，當然唔放過，約埋朋友去食。新開果然夠乾淨光鮮，而且極欣賞餐廳的設計，用下午茶三層架放火鍋食材，除了美觀，仲好慳位。雖知道兩人座位，枱面放唔到好多碟火鍋料，而若在位旁放架又阻到進出，餐廳呢個方法真係超方便，好貼心。餐廳主打食牛腩煲或雞煲，前者特別用罕見的崩沙腩，後者用百年古方的製法整雞煲。除了這兩款，還有另外七款湯料選擇。我地揀左雞煲，有唔辣/微辣/小辣/中辣/大辣。用四川同成都的十多種香料醬料製成，上菜時已飄來陣陣香味。對於怕辣，但又想食微微辣來刺激一下的我，揀微辣就剛好，加上不是麻辣，所以刺激得來，辣味快散去，越食越惹味帶香。雞件的份量會按人數增加，我地兩人就有半隻雞，所以好夠食，同埋之後任食火鍋，都要留肚食其他配料，因為太特別又高質。雞肉好入味，肥瘦平均，肉質有彈性，食完雞件就可加湯食火鍋。食辣野點少得冰凍飲品，自助飲品區的飲品都是任飲，有汽水、果汁、茶類、涼茶及啤酒。我特別推介餐廳自家煲製的竹蔗馬蹄水，微甜好清涼下火，食辣野或火鍋，最岩飲呢款涼茶，我地飲左兩瓶調味配料放得整齊乾淨，基本的蔥、芫茜、辣椒、生蒜、炸蒜都有，還有花生醬。比較少有的是炸
旺角兆萬一向多食店，見新開的火鍋店，當然唔放過，約埋朋友去食。新開果然夠乾淨光鮮，而且極欣賞餐廳的設計，用下午茶三層架放火鍋食材，除了美觀，仲好慳位。
雖知道兩人座位，枱面放唔到好多碟火鍋料，而若在位旁放架又阻到進出，餐廳呢個方法真係超方便，好貼心。
餐廳主打食牛腩煲或雞煲，前者特別用罕見的崩沙腩，後者用百年古方的製法整雞煲。除了這兩款，還有另外七款湯料選擇。
百年古方鮮雞煲
17 瀏覽
0 讚好
0 留言
用四川同成都的十多種香料醬料製成，上菜時已飄來陣陣香味。
對於怕辣，但又想食微微辣來刺激一下的我，揀微辣就剛好，加上不是麻辣，所以刺激得來，辣味快散去，越食越惹味帶香。
雞件的份量會按人數增加，我地兩人就有半隻雞，所以好夠食，同埋之後任食火鍋，都要留肚食其他配料，因為太特別又高質。雞肉好入味，肥瘦平均，肉質有彈性，食完雞件就可加湯食火鍋。
食辣野點少得冰凍飲品，自助飲品區的飲品都是任飲，有汽水、果汁、茶類、涼茶及啤酒。
自家煲製竹蔗馬蹄水
23 瀏覽
0 讚好
0 留言
調味配料放得整齊乾淨，基本的蔥、芫茜、辣椒、生蒜、炸蒜都有，還有花生醬。
比較少有的是炸魚仔花生，脆卜卜又香，等火鍋料熟時食少少，或配啤酒都幾好。
火鍋任食有三部份的配料，選擇都幾多，加上食材夠特色，而且仲好新鮮同高質。不同時段有不同收費，我地約晚上7:30食，每位$168，兩小時任食火鍋及任飲飲品，價錢都好吸引。
放滿食物的三層架係咪又好睇又方便又慳位。
肥牛同豚肉片是必食，但呢度特別在有田雞，唔係間間有，仲要即點即劏。
美國雪花肥牛，油花均等，牛味突出，入口快要溶開。
我會過河田雞，超彈肉質，仲好嫩滑，係田雞獨有的口感，要再點多轉黎食。
西班牙黑豚肉，較油潤香肥，肉嫩豬味較輕，肉感滿滿，沾花生醬食一流。
揀左雞煲都可以食到呢度既牛，配料有本地鮮牛坑腩及飄香蝴蝶腩，還有獅頭有膏鵝腸。仲有特別推介三款手打新鮮牛滑/墨魚滑/蝦滑。
牛坑腩炆得鬆化又腍，用火鍋煮法來食都係第一次，吸到好多湯汁味，變得更香更濃更入味。集筋、肉、牛脂的部位，牛迷必食，當然崩沙腩特有的筋膜位更吸引。
蝴蝶腩幾爽口，也吸到好多湯汁味。
手打蟹籽墨魚滑，真係特別彈牙有鮮味，手打的口感果然不同，也是必食之選
宇宙最強牛肉滑，咪以為個名好浮誇，入口就知其滑溜有彈性的牛肉，有如點心蒸牛肉球般滑，但就更加彈牙最最最深得我心，就是手打蟹籽鮮蝦滑，蝦滑內有蝦膠的彈，仲有粒粒蝦肉的彈，絕對真材實料，超級喜歡呢個蝦滑
是日推介海鮮是蜆，蜆肉飽滿脹卜卜，咬落爆出鮮味蜆汁，最重要無沙。
生猛海蝦也要一讚，終於食到有新鮮爽彈的海蝦，估唔到餐廳用靚貨，味道當然夠新鮮，蝦味也較明顯。
安格斯牛柳粒味道都好好，厚身柔嫩，牛味濃郁。百花釀油條的蝦膠同樣吸引，多份油條吸湯的味道，但我仍然最愛蝦滑。
即包韮菜餃，皮薄餡靚，餡料爆滿，菜多肉少夠健康，食完唔膩。蜂巢冰豆腐都與別不同，豆味更濃，也更綿密，吸盡湯汁精華。
脆卜卜炸魚皮，幾脆口，就咁食都好香口，放湯無咁咸，味道不錯。
雜菜拼盤有三至四款菜，都好乾淨新鮮，所以口感保持爽脆，西蘭花吸哂辣湯汁味，好刺激。
雞煲配油麥菜最正。
張貼
