影片
更多
2025-05-14
0 瀏覽
食過小野人燒烤真係會令人念念不忘~~餐廳環境坐得舒服, 店員服務好, 食物質素一流, 真係好值得再去encore!!!元氣森林水果茶只要登記做會員, 就會免費送大大杯水果茶水果茶有多款水果, 味道酸甜清新, 唔會好甜, 健康又好味~~金正菇牛五花肉卷 $28/串金菇用牛五花片捲住燒, 牛油香滲入晒菇裡面, juicy到爆汁, 牛肉又嫩滑~~烤雞肉串 $28/2串雞肉外皮微焦, 肉質依然嫩滑多汁烤雞軟骨 $16/串軟骨燒到金黃香脆, 咬落"索索"聲~~烤多春魚 $36/3條燒得啱啱好, 魚皮脆卜卜, 魚春creamy得嚟帶少少爆漿感烤脆雞皮 $16/串邪惡但好食!! 雞皮烤到好似薯片咁脆, 食落"咔嚓"聲, 油脂香氣充滿成個口, 罪惡感滿分~~夏威夷烤菠蘿 $21/串菠蘿非常清甜, 暖笠笠好治癒, 食完咁多肉之後清下味蕾就啱晒～Q彈小豬頸肉 $28/串豬頸肉爽脆, 肉質彈牙得嚟唔韌, 秘製醬汁好惹味蒜蓉粉絲蝦烤扇貝 $42/隻扇貝大大粒, 肉質鮮甜味美蒜蓉牛油香氣撲鼻, 粉絲吸晒海鮮精華~蒜蓉烤新鮮生蠔 $36/隻蠔肉新鮮肥美, 蒜蓉燒到金黃香脆, 完全唔會蓋過蠔嘅鮮味, 一啖連汁飲落去
餐廳環境坐得舒服, 店員服務好, 食物質素一流, 真係好值得再去encore!!!
元氣森林水果茶
只要登記做會員, 就會免費送大大杯水果茶
水果茶有多款水果, 味道酸甜清新, 唔會好甜, 健康又好味~~
金正菇牛五花肉卷 $28/串
金菇用牛五花片捲住燒, 牛油香滲入晒菇裡面, juicy到爆汁, 牛肉又嫩滑~~
烤雞肉串 $28/2串
雞肉外皮微焦, 肉質依然嫩滑多汁
烤雞軟骨 $16/串
軟骨燒到金黃香脆, 咬落"索索"聲~~
烤多春魚 $36/3條
燒得啱啱好, 魚皮脆卜卜, 魚春creamy得嚟帶少少爆漿感
烤脆雞皮 $16/串
邪惡但好食!! 雞皮烤到好似薯片咁脆, 食落"咔嚓"聲, 油脂香氣充滿成個口, 罪惡感滿分~~
夏威夷烤菠蘿 $21/串
菠蘿非常清甜, 暖笠笠好治癒, 食完咁多肉之後清下味蕾就啱晒～
Q彈小豬頸肉 $28/串
豬頸肉爽脆, 肉質彈牙得嚟唔韌, 秘製醬汁好惹味
蒜蓉粉絲蝦烤扇貝 $42/隻
扇貝大大粒, 肉質鮮甜味美
蒜蓉牛油香氣撲鼻, 粉絲吸晒海鮮精華~
蒜蓉烤新鮮生蠔 $36/隻
蠔肉新鮮肥美, 蒜蓉燒到金黃香脆, 完全唔會蓋過蠔嘅鮮味, 一啖連汁飲落去, 海水味爆發~~
小野人沙茶粉絲煮蜆 $85
沙茶醬香濃惹味, 蜆肉飽滿冇沙, 粉絲索晒湯汁精華, 非常滋味!!
小野人蒜蓉燒茄子$48
成條茄子原條燒, 蒜蓉鋪到滿晒~~
茄子肉滑溜到好似cream咁, 味道層次豐富
燒蒜香花椰菜 $58
花椰菜燒到外脆內嫩, 加埋芝士焗清新得嚟夠惹味~
食咗咁多肉之後平衡返就啱晒
超濃厚芝士撈一丁 $58
芝士煮成醬汁, 濃到可以拉絲!!
公仔麵煮得啱啱好, 帶點微脆~
撈勻之後每條麵都掛滿芝士, 卡路里爆燈但好滿足
張貼
