味火鍋 (華僑商業中心)

聽好多朋友介紹味火鍋，主打任食任飲放題，加上無限時間，真的很吸引！晚餐6:30開始， 10:15 Last order，唔怕你坐得耐，最怕你食唔飽啊！餐廳主打四重奏，食完頭盤小食之後就可以四選一：分別有芝士焗龍蝦、焗生蠔、雞煲或者酸菜魚，如果四人入座可以揀選兩位起的雞煲或者酸菜魚另外再加焗龍蝦或者生蠔分享試吓唔錯！雞煲有分大中小辣，味道非常好，香噴噴熱辣辣而且啖啖肉！芝士焗龍蝦非常有看頭，龍蝦肉厚多膏，一人一份打卡一流！四式牛肉➕海鮮拼盤：四款牛肉級數不錯，安格斯、牛肩胛、鮮牛肉等等各有特色，牛肉味濃郁、絕不失色！海鮮拼盤包括有大鮑魚、大扇貝、大蜆、廣島蠔、大花蝦、手打墨魚丸和蝦丸，仲有白鱔片。所有海鮮非常鮮味、手打丸爽口彈牙大粒好食到不得了！當然可以掃QR code繼續任食落單！最緊要係慢慢食、慢慢飲、慢慢傾，回頭率極高的餐廳！