鰹烏冬 (駱駝漆大廈第三座)

營業中

休息中

觀塘好多工業大廈都有好多高質餐廳。自細都鍾意食烏冬嘅小弟呢日就嚟到呢間主打自製手打烏冬嘅餐廳。呢間舖頭座位唔多，由於好多枱都係四人座位，小弟今次只有兩個人，店員多次提醒小弟坐四人枱之後一定要搭枱。睇返佢個餐牌，主要分為冷烏冬同埋熱烏冬。你可以選擇單點烏冬或者烏冬配小食。今次小弟就叫咗兩個鰹魚湯白味噌鍋仔燒烏冬，分別配金菇肥牛卷同埋天婦羅。由於呢個係白味噌烏冬，小弟一度有擔心個湯底會唔會好鹹，點知一試，淡到同清水冇分別，一啲鰹魚味都冇不過佢啲烏冬真係好彈牙，個質感真係似喺日本食嗰啲手打烏冬，唔係間間餐廳做得到。而且佢個烏冬都好多材料，份量都好多，食完好飽。至於加配嘅金菇牛肉卷整得唔錯，唔會好un天婦羅亦都唔錯，粉唔會太厚，好食雖然今次個湯底小弟覺得好失望，但係整體來講烏冬同配料都唔錯，小弟都無後悔過黎食。睇其他食評都有講過湯底好淡呢個問題，希望餐廳可以改善一下啦。