二八火鍋 (已結業)

今日天氣有啲凍同朋友行完街喺附近搵啲嘢食下,呢啲天氣打邊爐就最適合,朋友帶咗去佐敦一間火鍋店,食物質素好好。二八火鍋 ,餐廳做緊推廣六點至九點有九折,九點半至十一點半,全單八折,性價比高。今次點咗個二人餐,食物好豐富。548元沙嗲湯底,湯底味道好香,沙爹味道啱啱好,又唔會太鹹, 用嚟打邊爐真係一流。安格斯雪花牛鹿兒島黑豚肉台灣魚包蛋脆肉鯇魚片鴛鴦丸炸響鈴出前一丁時令雜菜椒鹽粟米安格斯雪花牛,牛肉味道香濃,有入口即溶嘅感覺,加上脂肪比例分佈均勻,入口牛肉味特別香,沾上沙嗲汁味道更加有層次。黑豚肉肉質嫩滑,口感爽甜食得出食材好新鮮。脆肉鯇片魚味香濃,入口啖啖肉,非常好食。沙嗲湯底真係要配返個出前一丁,出前一丁吸收咗啲湯汁,又香又好味。兩個人嗌過二人餐已經食到好飽,最後仲送咗兩粒雪米糍,值得一讚。