影片
更多
2022-08-19
3575 瀏覽
一窩堂旺角旗艦店今日專登去食呢一間火鍋放題，價錢公道，七百蚊有咁既質素算係性價高。呢間不愧係一窩堂既旗艦店，地方非常大，枱與枱之間都有足夠距離，唔怕會背貼背，迫到沙甸魚咁。另外值得一讚係店內真係非常乾淨衛生，冇油淋淋既感覺。我點左個C套餐，可以食足120分鐘，我自己就一定夠晒時間，食到攬住個肚。有駌鴦鍋底，我就選擇左東蔭公同沙參肉竹鯊魚骨湯，一定要講下，湯底一到我就即刻試飲左；沙參肉竹鯊魚骨湯真係有老火湯既味道，非常滋補；而東蔭公湯底非常醒胃，同泰國菜館一樣出色。試完個湯當然要入主題，食下D靚肉，封門柳、牛脷心托、美國安格斯牛肉等等，每一款都好靚，輕輕碌一碌，唔用調味料都已經好有肉味，加上湯底加乖，真係非常出色！除左不同肉類之外，唔好忽略左熟食同埋呢度既手打丸物，熟食好似牛腩、豬紅咁好入味，賣相好好，值得一試；而手打丸物每款都各有特色，食落鮮味彈牙，估唔到有驚喜，真係唔同街買返黎既味道，我大力推薦必定要食。最後要講就係呢度有一排雪櫃，有不同蔬菜可以選擇，一份一份洗乾淨放好喺入面，方便易攞又衛生。另外其他部分就係放飲品，選擇非常多，唔怕你揀唔啱，只係怕你飲唔晒。總括而言我覺得以火鍋放題已
今日專登去食呢一間火鍋放題，價錢公道，七百蚊有咁既質素算係性價高。
呢間不愧係一窩堂既旗艦店，地方非常大，枱與枱之間都有足夠距離，唔怕會背貼背，迫到沙甸魚咁。另外值得一讚係店內真係非常乾淨衛生，冇油淋淋既感覺。
我點左個C套餐，可以食足120分鐘，我自己就一定夠晒時間，食到攬住個肚。有駌鴦鍋底，我就選擇左東蔭公同沙參肉竹鯊魚骨湯，一定要講下，湯底一到我就即刻試飲左；沙參肉竹鯊魚骨湯真係有老火湯既味道，非常滋補；而東蔭公湯底非常醒胃，同泰國菜館一樣出色。
試完個湯當然要入主題，食下D靚肉，封門柳、牛脷心托、美國安格斯牛肉等等，每一款都好靚，輕輕碌一碌，唔用調味料都已經好有肉味，加上湯底加乖，真係非常出色！
除左不同肉類之外，唔好忽略左熟食同埋呢度既手打丸物，熟食好似牛腩、豬紅咁好入味，賣相好好，值得一試；而手打丸物每款都各有特色，食落鮮味彈牙，估唔到有驚喜，真係唔同街買返黎既味道，我大力推薦必定要食。
最後要講就係呢度有一排雪櫃，有不同蔬菜可以選擇，一份一份洗乾淨放好喺入面，方便易攞又衛生。另外其他部分就係放飲品，選擇非常多，唔怕你揀唔啱，只係怕你飲唔晒。
總括而言我覺得以火鍋放題已經算係超晒班，將好多火鍋店比下去，性價比高，值得推薦。
張貼
