新南苑私房菜火鍋鷄煲 (海德中心) (已結業)

同事生日，當然要請佢食最like的火煱，生日飯吾可以太普通，今晚就訂左新南苑私房菜火鍋鷄煲，位置灣仔，半自助火鍋放題，價格也不是最平，不過食物質素有水準，對得住呢個價錢。我地先食招牌麻辣雞煲再食火鍋，首先送上油炸鬼(的確覺得有D奇怪)，之後上雞煲，雞煲要煮一陣，同一時間，上左兩隻大閘蟹😱大閘蟹蟹膏肥美，經理話食完隻大閘蟹個雞煲就食得，之後仲送上一杯薑茶，真係好貼心！因為吾係好食得辣，所以要左小辣雞煲，但都覺得好惹味，而且雞肉好滑，調味真材實料。之後就係重頭戲生猛海鮮拼盤火鍋，鮑魚、蝦🦐、生蠔、聖子、魚，全部都鮮味十足，好新鮮，加埋個新鮮蟹窩花甲湯底，個湯底有一個用南瓜蓉整成嘅冰雕，好特別又可愛，而且好清甜😋飲品任飲，仲有自家製涼茶、檸檬薏米水等，甜品係日本北海道3.6牛乳奶凍，香濃嘅奶味，果然係好有heart嘅甜品!除咗海鮮仲有蔬菜，蔬菜上枱係好似一盆花咁，賣相好有心思，而且仲好新鮮。