泮利居

營業中

休息中

我哋兩個真係好肚餓，所以點好多嘢食！ 我哋叫咗一隻炸乳鴿 乳鴿真係剛剛炸起係好好食😋 皮脆肉嫩 真係好吸引 我哋仲點咗半隻潮州鹹雞 啲雞肉超級嫩滑 調味都好好食唔會話超級鹹 我個人嚟講超級鍾意呢一個咸雞 半隻嘅份量都唔少！😍🤙🏻🤙🏻🤙🏻 我真係好鍾意食炸物 所以我又點咗一個椒鹽炸茄子粒 我第一次食椒鹽茄子 但係好好食 佢嘅茄子又係鹹鹹地 剛剛炸起熱辣辣 再加埋茄子嗰種軟硬適中嘅口感😝😝😝 好好味🤤估唔到茄子同椒鹽味係咁夾嘅！ 因為我唔食鵝 所以我就叫咗個滷水豆腐試下🤤🤤 超入味 每一舊豆腐都充滿鹵水汁 好好食😋 主食就叫左一個潮州炒麵 同我想像中嘅炒麵有啲唔一樣嘅🌝 佢都係偏乾身 但係唔會話炒到好燶 反而係嗰種好有食慾嘅顏色🥰 配埋蝦仁同香菇 層次好豐富 我個人來講都幾鍾意食佢哋晚市嘅時候有啲菜式做緊六折真係好抵！有時夜晚唔想煮飯又諗唔到食咩嘅時候落去買個外賣都好🥹😎 佢哋好似早市飲茶，仲有做緊$78任食 下次就可以帶埋屋企人嚟試吓啦🫖