影片
更多
2020-12-07
492 瀏覽
< The Salted Pig 🐖 > 📍葵芳今日又同家姐行葵芳 見到呢間西餐幾吸引就去試下😛😛 一入去餐廳門口就見到上面有隻豬喺度好得意🤣 🥑牛油果香芒大蝦沙律🥗 $158沙律好大碟而且入面都有幾多大蝦🍤 大蝦爽口彈牙 同牛油果🥑好夾 而且入面嘅沙律菜都有調味 個甜辣沙律汁好好味 食落好開胃😋😋🥓小食拼盤🧆 $288咩都想試嘅我哋就叫咗一個大嘅小食拼盤🤣 入面有迷你牛肉漢堡、香料雞翼、扭扭薯條、豬皮脆片、蟹餅、蘇格蘭蛋、脆豬肋骨同炸魷魚圈😛 滿足晒咁多個願望😋😋印象最深刻係個蟹餅 炸得好香脆可口入面全部都係一絲絲嘅蟹肉 好滿足❣️另外蘇格蘭蛋都唔錯 雞蛋有少少流心好正😍 扭扭薯條份量都好多 好食過m記 另外個豬皮脆片好特別 第一次食 豬皮炸得好脆 好似食緊薯片咁😆 如果同朋友share叫呢個就啱晒🤣🥘西班牙海鮮飯🦑 $218呢個西班牙海鮮飯都好足料❣️有蜆肉、青口、魷魚圈、大蝦、海蝦🦐 、魚柳、辣肉腸同雞柳😛 飯粒分明 索晒啲海鮮汁好香好入味😆 海蝦好彈牙成個海鮮飯都好高質👍🏻👍🏻 除咗豬肉高質之外 佢地啲海鮮都好吸引 下次要試埋個煎鱸魚🐟 🍨香蕉雪糕新地 $88最後仲
今日又同家姐行葵芳 見到呢間西餐幾吸引就去試下😛😛 一入去餐廳門口就見到上面有隻豬喺度好得意🤣
🥑牛油果香芒大蝦沙律🥗 $158沙律好大碟而且入面都有幾多大蝦🍤 大蝦爽口彈牙 同牛油果🥑好夾 而且入面嘅沙律菜都有調味 個甜辣沙律汁好好味 食落好開胃😋😋
🥓小食拼盤🧆 $288咩都想試嘅我哋就叫咗一個大嘅小食拼盤🤣 入面有迷你牛肉漢堡、香料雞翼、扭扭薯條、豬皮脆片、蟹餅、蘇格蘭蛋、脆豬肋骨同炸魷魚圈😛 滿足晒咁多個願望😋😋印象最深刻係個蟹餅 炸得好香脆可口入面全部都係一絲絲嘅蟹肉 好滿足❣️另外蘇格蘭蛋都唔錯 雞蛋有少少流心好正😍 扭扭薯條份量都好多 好食過m記 另外個豬皮脆片好特別 第一次食 豬皮炸得好脆 好似食緊薯片咁😆 如果同朋友share叫呢個就啱晒🤣
🥘西班牙海鮮飯🦑 $218呢個西班牙海鮮飯都好足料❣️有蜆肉、青口、魷魚圈、大蝦、海蝦🦐 、魚柳、辣肉腸同雞柳😛 飯粒分明 索晒啲海鮮汁好香好入味😆 海蝦好彈牙成個海鮮飯都好高質👍🏻👍🏻 除咗豬肉高質之外 佢地啲海鮮都好吸引 下次要試埋個煎鱸魚🐟
🍨香蕉雪糕新地 $88最後仲叫咗一個甜品share😆成個甜品都好靚打卡一流😍上面有焦糖香蕉、窩夫、棉花糖、同埋一球朱古力雪糕加一球雲呢拿雪糕🍦窩夫好香脆 唔會淋晒👍🏻 焦糖香蕉上面嗰層焦糖幾好食 唔會太甜 配埋雪糕食好夾❣️❣️為呢餐飯畫上完美嘅句號 好滿足 下次要再嚟食😆
🍓草莓香蕉奶昔🍼 $68成個奶昔感覺都好清新 唔會太膩👍🏻 飲到香蕉同士多啤梨味🍓飲落有啲似香蕉奶🍼 成杯嘢飲都係粉紅色 滿足我嘅少女心💖💖 而且佢雖然係用紙飲筒 但係飲到最尾都冇淋晒 值得一讚👍🏻👍🏻
🦖美祿香蕉奶昔🍼 $68
家姐叫咗呢一個係出面比較少見嘅美祿香蕉奶昔🍼飲落去比較重朱古力味 所以感覺冇草莓香蕉個杯咁清新 但係呢一杯都唔算太甜 幾好飲😋
張貼
