影片
更多
2024-02-17
1794 瀏覽
呢度總結左兩次用餐體驗。煙燻鵝肝凍係我最喜愛嘅菜式之一。煙燻味與鵝肝凍融為一體，有別於一般「餐桌煙燻表演」那一閃即逝的煙燻味道。鵝肝凍既絲滑感覺現在腦海中，我會為左佢再嚟。龍蝦湯拍得住Lawry’s Prime Rib既龍蝦湯味道，只係Lawry’s 多左舊龍蝦肉。煎鴨肝外香脆內嫩滑，最緊要係冇渣，亦冇肥膩油益嘅感覺。主菜我個人特別喜愛佢既煎魚。食西餐通常煎魚都唔會特別出色，因為都係急凍魚塊嚟。但係呢度用咗本地新鮮魚，熟成一日，而且煎既火喉剛好，配上炸得香脆嘅櫻花蝦，帶出咗整碟嘅鮮味。牛扒嘅重點係佢既sauce做得好，而且做到我心目中既medium rare。Homemade 油漬鴨腿唔會死咸，個皮係煎到香酥鬆化，配埋個sauce係非常對味。大廚既煎功確係好好，在我看來亦代表係用心去處理每一道菜。好清嘅一碟清燉牛臉頰牛舌蔬菜，好係法式家庭小菜既感覺，我食開重口味，所以冇揀，而注重運動健康嘅朋友仔就覺得呢碟好啱佢。今次嘅前菜係沙律，當然唔係求其沙律吧嘅沙律菜，材料新鮮完全係清新嘅感覺。上一次嘅前菜Roast raclette cheese pot with seafood，用上新鮮墨魚汁
煙燻鵝肝凍係我最喜愛嘅菜式之一。
煙燻味與鵝肝凍融為一體，有別於一般「餐桌煙燻表演」那一閃即逝的煙燻味道。鵝肝凍既絲滑感覺現在腦海中，我會為左佢再嚟。
龍蝦湯拍得住Lawry’s Prime Rib既龍蝦湯味道，只係Lawry’s 多左舊龍蝦肉。
煎鴨肝外香脆內嫩滑，最緊要係冇渣，亦冇肥膩油益嘅感覺。
主菜我個人特別喜愛佢既煎魚。
食西餐通常煎魚都唔會特別出色，因為都係急凍魚塊嚟。但係呢度用咗本地新鮮魚，熟成一日，而且煎既火喉剛好，配上炸得香脆嘅櫻花蝦，帶出咗整碟嘅鮮味。
牛扒嘅重點係佢既sauce做得好，而且做到我心目中既medium rare。
Homemade 油漬鴨腿唔會死咸，個皮係煎到香酥鬆化，配埋個sauce係非常對味。大廚既煎功確係好好，在我看來亦代表係用心去處理每一道菜。
好清嘅一碟清燉牛臉頰牛舌蔬菜，好係法式家庭小菜既感覺，我食開重口味，所以冇揀，而注重運動健康嘅朋友仔就覺得呢碟好啱佢。
今次嘅前菜係沙律，當然唔係求其沙律吧嘅沙律菜，材料新鮮完全係清新嘅感覺。
上一次嘅前菜Roast raclette cheese pot with seafood，用上新鮮墨魚汁嘅海鮮薯蓉再加焗溶咗嘅raclette cheese ，非常之喜愛咁邪惡嘅食物。希望下次再去個Menu有呢一款前菜。
一致認同個鳥結冰膏係好好味又唔會太甜, 而且餐廳話我知出面係無得食架，特別矜貴。
Crème brûlée 蛋奶味平衡，帶有新鮮雲呢拿香味。
最正係佢冇收開瓶費！
佢嘅裝修好cosy, 同三五知己或者一大班朋友舒舒服服食嘢傾偈，係一個好嘅選擇。
13 瀏覽
0 讚好
0 留言
16 瀏覽
0 讚好
0 留言
21 瀏覽
0 讚好
0 留言
44 瀏覽
0 讚好
0 留言
32 瀏覽
0 讚好
0 留言
44 瀏覽
0 讚好
0 留言
37 瀏覽
0 讚好
0 留言
39 瀏覽
0 讚好
0 留言
42 瀏覽
0 讚好
0 留言
32 瀏覽
0 讚好
0 留言
張貼
