影片
更多
2022-06-02
15 瀏覽
香港地一講起搵食嘅地方，旺角一定係首選。最出名嘅莫過於係女人街兩邊行人路嘅地方，每行過幾個鋪位都總會見到一間餐廳，今次佢嘅店舖正正就係位於女人街附近，佢啲嘢食都幾得意㗎，竟然係主打麵食crossover咖啡，想知係點嘅大家一齊睇落去啦！呢間舖頭主打自家研發嘅麵食同埋咖啡，另外佢都有籠仔蒸飯同埋一啲好特別嘅小食，跟住我就叫咗佢嘅牛隊長湯麵，籠仔五花腩蒸飯，牛油果蝦多士，素蘇格蘭炸蛋，另外仲叫杯烘焙泡泡試吓。我覺得店家好細心，除咗喺餐牌上面你可以為自己嘅麵食揀選唔同質感嘅麵同埋配料之外，佢係你全程嘅用餐過程中都會照顧你嘅需要，呢一點我覺得佢哋真係做得唔錯。一上台我同朋友仔都覺得好驚訝因為每一樣份量都好多，CP值好高！佢嘅牛隊長湯麵有好多材料，佢哋特登用咗澳洲和牛封門柳再搵佢哋嘅材料，另外仲有金錢肚牛筋牛肋條同埋白蘿蔔，每一款食材都好入味，我自己最欣賞佢嘅湯底，飲落口好清一啲都唔會口乾，絕對係力推之作。籠仔五花腩蒸飯我覺得都好好食，佢哋用咗日本黑豚五花腩同埋梅菜，而且每粒飯都粒粒分明絕對唔係用隔夜飯，佢哋嘅梅菜亦都唔會太過鹹，配上五花腩肉食落口都唔會過於油膩，會令人忍唔住食晒！蝦多士平時喺小
呢間舖頭主打自家研發嘅麵食同埋咖啡，另外佢都有籠仔蒸飯同埋一啲好特別嘅小食，跟住我就叫咗佢嘅牛隊長湯麵，籠仔五花腩蒸飯，牛油果蝦多士，素蘇格蘭炸蛋，另外仲叫杯烘焙泡泡試吓。
我覺得店家好細心，除咗喺餐牌上面你可以為自己嘅麵食揀選唔同質感嘅麵同埋配料之外，佢係你全程嘅用餐過程中都會照顧你嘅需要，呢一點我覺得佢哋真係做得唔錯。
一上台我同朋友仔都覺得好驚訝因為每一樣份量都好多，CP值好高！佢嘅牛隊長湯麵有好多材料，佢哋特登用咗澳洲和牛封門柳再搵佢哋嘅材料，另外仲有金錢肚牛筋牛肋條同埋白蘿蔔，每一款食材都好入味，我自己最欣賞佢嘅湯底，飲落口好清一啲都唔會口乾，絕對係力推之作。
籠仔五花腩蒸飯我覺得都好好食，佢哋用咗日本黑豚五花腩同埋梅菜，而且每粒飯都粒粒分明絕對唔係用隔夜飯，佢哋嘅梅菜亦都唔會太過鹹，配上五花腩肉食落口都唔會過於油膩，會令人忍唔住食晒！
蝦多士平時喺小店就食得多，不過估唔到加埋牛油果都幾得意，彈牙嘅蝦肉配上口感creamy 嘅牛油果同埋鬆脆嘅多士，令到口感層次都變得更加豐富。蘇格蘭炸蛋喺香港唔係周圍都食到，而且通常一入口都好容易滯因為係肉包住雞蛋，呢度就特登改用左植物肉製造，令到你嘅罪惡感減低，但係同時食到平時蘇格蘭炸彈嘅口感。而且佢嘅溫度控制都唔錯，上枱嗰陣依然見到係糖心蛋嘅狀況 ，我覺得都不錯吃。
呢間餐廳另外用咗咖啡做主打，聽講佢哋用咗東帝汶出產嘅咖啡豆，產量少好罕有㗎。咁我當然都要試吓佢哋嘅咖啡啦，我今次就叫咗佢哋嘅烘焙泡泡，一入口咖啡嘅口感唔會苦澀嘅味道，反而香氣四溢，配上軟滑的牛奶入口好順喉，係一種好溫暖好舒服嘅感覺。大家如果下次經過女人街絕對可以一試！
張貼
