但馬屋 (創紀之城五期(apm))

營業中

休息中

Lunch時段90分鐘價錢由$179-319。一人一鍋，湯底從五款中選了甘露鍋，其實即係壽喜燒甜豉油湯底。而肉類質素選了澳洲産長期殼飼牛 跟丹麥皇冠豚肉 $219，每塊大小厚薄均一，而且唔係雪到硬框框，烚兩烚就食得，壽喜燒湯底唔需要點調味醬料都好夠味！火鍋加湯唔係加水或普通清湯，店員會確認湯底然後倒原湯！所以一直烚都能夠保持濃湯！食物自助吧有接近30款食材可選，蔬菜好新鮮，菜苗，萵筍，秋葵，羽衣甘藍食左幾round！墨丸，貢丸幾彈牙，腸仔都脆皮，而我覺得壽喜燒配烏冬好夾！配料吧有好多選擇，其中有個18禁辣真係好辣下～飲品吧有稍為淡味的雜果賓治，茶包以及罐裝汽水提供。而雪糕吧有四款口味Haagen Dazs，Cookie And Cream好多朱古力餅乾碎，抹茶雪糕都有混入朱古力粒，正！其實午市仲可揀選60分鐘任食或定食（肉類定量而非放題），但我覺得60分鐘其實唔太夠時間食，而且價錢取決於不同種類的肉，相差$20-50不等，望完價目可慎重考慮豪少少食多半個鐘！可能我平日午市次輪時間去食，店外無人等位，職員亦無催人走。