大瀛喜日本料理 (已結業)

熱愛日本美食嘅我 經常想食個痛快 又想唔同類型嘅美食都食吓 我就會食放題位於元朗Yoho 嘅極尚大瀛喜食物質素高而且種類又多 係我食日式放題嘅首選👍🏻餐廳用qr code手機下單好方便食物種類多 而且上菜速度好高 亦唔會漏單🍣壽司及手卷壽司種類多 每份細細件 可以試唔同口味又唔會太飽😋推介海膽手卷 海膽好鮮甜 而且紫菜香脆 一口一啖我食咗幾件 好滿足😋🍤炸物炸物好豐富 炸饅頭、炸蝦、紫薯炸彈、炸鮮奶、炸雲吞款款都好香脆好惹味😋 炸饅頭一口一啖 唔驚食完好飽🍲一品料理點咗一磅烏冬 麵質好滑 湯底剛剛好 夠味但唔會太濃🥰🍢燒物特別推介燒羊架 肉質嫩滑 而且好惹味自己忍唔住食咗兩份🤭仲要好特別嘅燒乳鴿 估唔到又幾好食👍🏻🧁甜品甜品極多選擇 自助甜品區有糯米糍、布甸、乳酪仲有多款雪糕雪條 令人花多眼亂特別推介佢哋自助區域 有蟲草花雞湯好濃味 份量足料 難得食放題飲到咁足料嘅靚湯👍🏻