影片
更多
2023-07-16
67 瀏覽
好耐冇食日式拉麵，呢日去銅鑼灣行街偶遇豚王，見餐廳環境好舒服，一於入去食碗拉麵。餐牌有多款拉麵，包括豚王（原味）、黑王（墨魚汁）、赤王（辣味）、青王（芝士橄欖油味）、海塩王（塩味）、辛海老王（海老味），仲有期間限定- 黑松露王。價錢大約$92- $110，可另加配小食、替玉同飲品。點菜時亦可以根據自己口味，選擇拉麵嘅硬度及配菜等。豚王 - 原味（$92） - 湯底係豚骨湯底，據聞係每日新鮮熬製而成，唔怪之得味道咁濃郁。有兩片肥瘦適中嘅叉燒，我仲額外加咗紫菜（$12）。麵質入口彈牙，掛上豚骨湯底，我俾好高分呀。黑王- 墨魚汁（$98） - 名符其實烏卒卒咁嘅顏色，入口充滿黑醬油同蒜香味，配搭叉燒同蔬菜，口感層次非常豐富，麵質一樣彈牙好味。小食點咗肉餃子（$42），一客有五隻。餃子煎得香脆，熱辣辣，真心好味。飲品選擇亦相當多，點咗豚王金之麥茶（$20），入口充滿麥味，甘香解渴，食完拉麵飲啱啱好。餐廳裝修好有日本風，座位好好坐，店員殷勤有禮，仲會主動介紹食品，值得一讚
好耐冇食日式拉麵，呢日去銅鑼灣行街偶遇豚王，見餐廳環境好舒服，一於入去食碗拉麵。
餐牌有多款拉麵，包括豚王（原味）、黑王（墨魚汁）、赤王（辣味）、青王（芝士橄欖油味）、海塩王（塩味）、辛海老王（海老味），仲有期間限定- 黑松露王。價錢大約$92- $110，可另加配小食、替玉同飲品。點菜時亦可以根據自己口味，選擇拉麵嘅硬度及配菜等。
豚王 - 原味（$92） - 湯底係豚骨湯底，據聞係每日新鮮熬製而成，唔怪之得味道咁濃郁。有兩片肥瘦適中嘅叉燒，我仲額外加咗紫菜（$12）。麵質入口彈牙，掛上豚骨湯底，我俾好高分呀。
黑王- 墨魚汁（$98） - 名符其實烏卒卒咁嘅顏色，入口充滿黑醬油同蒜香味，配搭叉燒同蔬菜，口感層次非常豐富，麵質一樣彈牙好味。
小食點咗肉餃子（$42），一客有五隻。餃子煎得香脆，熱辣辣，真心好味。
飲品選擇亦相當多，點咗豚王金之麥茶（$20），入口充滿麥味，甘香解渴，食完拉麵飲啱啱好。
餐廳裝修好有日本風，座位好好坐，店員殷勤有禮，仲會主動介紹食品，值得一讚
張貼
