影片
更多
2019-03-10
2503 瀏覽
呢日同friend一齊試下呢間放題，佢位於The One對面，尖沙咀地鐵站B1一出，行3-4分鐘就到，所以都好容易揾一到。入面都幾大，地方好闊絡。個日我地2個人都可以霸張四人枱，所以坐得好舒服😌放題一開波梗係食刺身啦！三文魚刺身好厚、好肥美。本身我唔太鍾意食生嘅蝦，但係佢個海蝦刺身好爽口，冇我唔鍾意個種「淋pat pat」嘅口感，唔錯唔錯！北寄貝都好厚身，啖啖肉，好滿足！再嚟就係壽司🍣！呢件親子花之戀嘅三文魚都好厚，加埋沙律醬同三文魚籽，簡直係一流嘅配搭。跟住係充滿神秘感嘅極壽司同尚壽司，我地睇名真係唔知係咩。原來分別係吞拿魚加煙肉嘅壽司同蟹籽沙律壽司，呢兩份就比較普通，我就麻麻地。我地跟住叫左火炙壽司，火炙壽司一向都係我至愛。佢有一隻新出嘅松葉蟹膏燒赤蝦，都幾特別，蟹膏味道重啲會更好。燒左口魚邊口感好特別，一開始以為佢係魷魚，因為好有咬口。我地2個最愛係佢嘅蒲燒鰻魚串！真係好肥美，食完一啖啲鰻魚香就會係口到停留，愈𡁻愈香。而且佢啲細骨唔明顯，唔會卡住喉嚨。真係好推薦比大家！炸物方面我地嗌咗炸紫心香芋、炸芝士年糕、榴槤波波、仲有仲有炸鮮奶！ 全部都中規中矩，榴槤波波好流心，
放題一開波梗係食刺身啦！
三文魚刺身好厚、好肥美。本身我唔太鍾意食生嘅蝦，但係佢個海蝦刺身好爽口，冇我唔鍾意個種「淋pat pat」嘅口感，唔錯唔錯！北寄貝都好厚身，啖啖肉，好滿足！
再嚟就係壽司🍣！
呢件親子花之戀嘅三文魚都好厚，加埋沙律醬同三文魚籽，簡直係一流嘅配搭。跟住係充滿神秘感嘅極壽司同尚壽司，我地睇名真係唔知係咩。原來分別係吞拿魚加煙肉嘅壽司同蟹籽沙律壽司，呢兩份就比較普通，我就麻麻地。
我地跟住叫左火炙壽司，火炙壽司一向都係我至愛。佢有一隻新出嘅松葉蟹膏燒赤蝦，都幾特別，蟹膏味道重啲會更好。燒左口魚邊口感好特別，一開始以為佢係魷魚，因為好有咬口。
我地2個最愛係佢嘅蒲燒鰻魚串！真係好肥美，食完一啖啲鰻魚香就會係口到停留，愈𡁻愈香。而且佢啲細骨唔明顯，唔會卡住喉嚨。真係好推薦比大家！
炸物方面我地嗌咗炸紫心香芋、炸芝士年糕、榴槤波波、仲有仲有炸鮮奶！ 全部都中規中矩，榴槤波波好流心，唔係好接受到榴槤香嘅人都可以試下。
雪糕當然用嚟結尾啦！除左3款韓國雪條，仲有Haagen Dazs同movenpick比大家揀。呢日Haagen Dazs佢嘅季節限定係Tiramisu 味，佢應該會成日轉，大家之後嚟可以試下其他味。
最滿意係呢到嘅服務態度好好！呢到啲侍應好好態度，仲會同我地開下玩笑，完全冇唔耐煩嘅感覺，所以呢晚食得好開心！
張貼
