極尚大喜屋 (加連威老道) (已結業)

天氣凍好容易肚餓，所以就好想同朋友一齊去食放題，食到夠為止！朋友推薦極尚大喜屋，話呢間價錢合理，食物質素亦都唔錯，就一於試吓啦！我哋係book晚市五點半，估唔到咁早嘅時段依然全場爆滿！！好彩一早打嚟book咗！食物種類都幾多，食放題一開始梗係嗌一大盤刺身影相打卡啦！刺身有三文魚、北寄貝、帆立貝、甜蝦等等，而最特別嘅係有長腳蟹腳！刺身味道鮮甜，而且新鮮，唔會有雪藏味！所以我哋食咗呢一盤之後再嗌多左一round!😂燒物方面，燒羊鞍最驚喜！羊架上枱嘅時候係熱辣辣，證明新鮮製造！食落去嘅時候仲係好做事juicy，而且唔會好乾好鞋，調味亦都非常惹味，好食！！串燒牛舌燒牛舌亦都好香，肉質爽口，唔會好韌，配上檸檬汁一齊食就更加豐富辣酒煮花螺呢一個都好有驚喜！平時食放題好少食呢類嘅嘢食，但今次一試覺得唔錯！醬汁調味得啱啱好，鹹而帶辣，花螺亦都夠晒爽口，食唔停口啊！最後飲品方面都幾多選擇，最特別嘅係竟然有熱嘅清酒，所以我哋都嗌左試下！呢一餐好豐富，食完之後又飽又暖笠笠！冬天食放題真係正！