Be Leaf (已結業)

好耐冇同朋友食飯，佢係觀塘返工，話呢間餐廳食物同環境都唔錯，就去咗食。去到門口已經俾裝修吸引到，好多打卡位，除咗室內嘅位置，出面都可以坐，仲可以帶寵物。小食拼盤食物種類同份量比想像中多，有雞翼、蝦、洋蔥圈、魷魚鬚，全部炸得外表金黃，食落口好香脆又唔會好油。除咗有沙律菜伴碟，仲有兩種醬汁點。法式紅酒燴美國羊膝配香酥手抓餅羊膝嘅肉煮得好軟身，而且帶著香濃羊味，配埋紅酒汁食好惹味，手抓餅切得size啱啱好，用嚟夾羊肉食一流。溫泉蛋芝士忌廉意大利麵珍寶軟殼蟹炸得外脆內軟，咬落去入面啖啖肉。溫泉蛋煮得啱到好處，意粉嘅硬度亦係我鐘意嘅，配埋芝士忌廉汁食真係食到停唔到口。Ocean Paradise飲品同名稱好夾，飲落帶清甜，顏色好靚，超級適合打卡。鹽漬櫻花柚子梳打呢杯飲落好開胃，柚子略帶甜，鹽漬同梳打中和返，味道好有層次。總括嚟講，餐廳食物不但賣相精美，味道亦好，環境舒適，非常適合鐘意打卡嘅朋友。