龍百味小廚

營業中

休息中

開正響路中心 經過冇理由唔八掛吓 點知見到我最愛嘅黑醋骨 一於買幾個小菜返屋企加餸❣️陳年黑醋一字骨醃得好入味 充分吸收了黑醋味道 有肉汁 唔會柴好開胃 想一件接一件咁食❣️蒜香牛油雞中翼外皮香脆 雞肉鮮嫩多汁 濃郁的蒜香跟牛油的香氣好匹配雞中翼隻隻飽滿 𢳂餸姐姐最後仲比多啲炸蒜我撈飯添❣️金針雲耳蒸滑雞份量足 雞肉滑溜 雞件都醃得好入味金針雲耳爽口 個汁用嚟撈飯都好惹味❣️泰式辣醬燴豬扒豬扒好鬆化 件件都好大件 食落唔油膩泰式辣醬酸酸甜甜好開胃❣️涼瓜炆排骨涼瓜煮到好腍 豉椒味香濃 排骨有咬口 份量足其實見到蒸水蛋蒸魚都好吸引 不過外賣都係揀啲易拎嘅堂食嘅座位都好闊落 如果幫襯堂食點白飯的話仲可以飲添白飯㗎 另外老火湯都唔錯㗎