熺會館

營業中

休息中

今日舅父終於係加拿大返黎探我地，做姪女既緊係要同長輩食啲好野，我地就黎佐熺會館，有裝修有美食！我地先點佐糯米蟹🦀糯米蟹原籠蒸籠咁上，鮮蟹好大隻，仲好多蟹膏，清蒸鮮甜味出晒黎，加上少少蔥花芫荽調味，更鮮味！之後叫佐馳名生炒菠蘿咕嚕肉🐽豬肉炸到好鬆脆，一粒粒一口size，好易入口，加上洋蔥、青紅椒、菠蘿一齊用酸甜醬去炒，好fresh好開胃，超好食！另外貪心既我地叫埋糯米飯同埋黑松露蝦仁炒滑蛋🤤糯米飯咕會太硬，用臘味炒既糯米飯油香十足，加上脆脆既花生粒去炒口感好好，用砂鍋上好熱好好食！而蝦仁炒蛋就好地道既粵菜，蝦仁大隻彈牙，炒蛋好滑，加埋黑松露就更鮮味更好食😋