吞POT 雞煲火鍋.住家菜 (山林道) (已結業)

冬天最適合打邊爐，今日朋友帶我去試呢間位於山林道既雞煲，餐廳起山林道既一幢大廈裡面，估唔到原來大廈入面係另一個世界，有好多食肆林立。餐廳環境比較昏暗有格調，唔嘈吵，反而更容易傾到計。侍應好快手攞咗一個九宮格調味架俾我哋調配醬料。雞煲選擇有好多，可以揀半隻雞或者一隻雞，除咗有一般麻辣雞煲之外，最特別係有一啲滋補藥膳雞煲，啱曬一啲怕辣嘅朋友。我哋揀咗推介嘅滋補花膠螺片雞煲，裏面非常足料，有好多花膠同螺肉，拎出來已經整到8成好，加返熱食就岩岩好，雞唔會太老又可以飲到濃郁既雞湯，同食到啖啖花膠，好正！飲完湯就叫左啲配料打邊爐，呢到有好多款招牌手打丸，標榜自家制，樣樣都好吸引，為左每樣試，我地點左手打四寶丸，入面有手打牛丸，蝦丸，墨丸同黑墨丸。手打丸好彈牙，仲有粒粒口感。試埋好多人推介既芝士響玲，上碟時熱辣辣，淥一淥食得，芝味濃👍中意芝士既人係必試。最後用粉絲吸收曬湯既精華，完美的晚餐。