令和鍋物酒場

營業中

休息中

同表姐喺旺角行街經過，俾佢哋嘅和風介紹所吸引就上去試吓，佢哋嘅裝修好有日本居酒屋嘅感覺。令和二人餐$428包括左薯仔沙律、燒雞翼、三款刺身盛合及A4肩胛和牛卷、壽喜燒鍋配上A4和牛肩胛好豐富。薯仔沙律加胡麻醬酸酸地好開胃，A4和牛卷配吞拿魚同海膽味道唔錯，刺身亦都好新鮮；主角A4和牛肩胛雪花平均，有六大塊配上壽喜燒汁，撈埋日本蛋好滑入口即溶。我哋仲叫咗兩杯特飲，粉紅草莓菠菠$32同埋菠菠烏龍蘿蘿$28，酸酸甜甜幾清新。最驚喜嘅係燒芝士年糕，入面有好香嘅Mozzarella芝士🧀，外皮鬆軟好好味，鍾意食芝士嘅唔好錯過！