旺萍川菜館

營業中

休息中

呢間喺深水埗既四川餐廳非常地道，岩哂鍾意食辣既朋友。打開餐牌，見到有好多好吸引既四川菜。今次點左招牌既酸菜魚，酸菜魚入面有好多香料，啲魚肉又嫩滑，酸酸辣辣，好開胃。另外仲點左孜然羊肉粒，羊肉粒加入孜然粉同埋辣椒醬一齊炒，勁惹味。小菜方面，點左涼拌皮蛋同埋酸辣土豆絲，同樣高質。土豆絲削到好幼，酸酸辣辣，叫一碗白飯一齊食好夾。皮蛋係黃金皮蛋，口感軟糯，好好食。食辣野當然要配冰凍既啤酒啦，同朋友一路傾計一路飲真開心。