喜瑪拉雅餐廳

營業中

休息中

週末來到灣仔買完嘢，心思思又想吃到中東或印度菜。見到通街迫爆人，又有遊行如果食中餐或者食茶記乜嘢都有排等。始終印度野唔係咁多人識欣賞，所以去到邊度都唔會太迫，我哋幾乎包場除咗有一兩台係外國人同埋安靜的印度人之外，我哋又享受左鬧市中嘅寧靜。感恩老公同亞仔都唔介意同我一齊食印度野，或者比我感染開始鍾意食印度野。我們坐下幾乎不用看Menu 已經希望點Tikka Chicken 丶curry chicken 和Masala Tea。經理先來奉上印度脆片和一壺奶茶，他故意在我們面前拉幾吓茶，味道可以但個人喜歡再濃一點。吃印度菜怎可少得薄餅，但估不到他們的薄餅有芝士餡、蒜蓉餡或原味。喜愛芝士的呀仔當然要芝士餡啦。師傅真係即叫即做薄餅，我們點了一客再來一客。至於Tikka Chicken ，我們吃一口已經覺得有別於一般的印度餐廳，經理說是用雞的大腿前肉來做，故沒有雞胸肉那麼「鞋」，而雞肉也頗鮮味，配上mint sauce, 簡直回味無窮！我們由一時半坐到三時多才埋單，三個人食了三百元左右，竟可在灣仔鬧市坐得舒舒服服。