Starry Night

營業中

休息中

奧海城附近出名多野食，尤其係近滙豐那邊，有酒吧、餐廳及小食店等，多不聲數，今晚就同老死去了一間以凡高名畫星夜Starry Night為名的餐廳。我們點了一個二人套餐，有湯、沙律、小食及兩個主菜，$398有咁多野食，而家真係少見。另外點了兩個飲品，我要了Virgin Mojito，朋友點了藍蝶花薑花。先來的番茄忌廉湯，番茄應該加了茄膏，十分夠酸。之後來的帕爾馬火腿配哈蜜瓜，蜜瓜清甜配上咸味的火腿，一濃一淡，味道相宜。小食煙肉芝士薯條超級大份，表面舖滿了芝士，炸粗薯條香脆而且不會太油膩，整體很飽肚。卡邦尼扁意粉醬汁超多及濃稠，中間還有隻溫泉蛋，有兩款煙肉碎，一款是略煎過的煙肉片，另一款是香脆煙肉碎，兩款口感不同，風味都不同。慢煮醬燒美國豬仔骨有四條骨，表面焗至微焦，醬汁帶甜，肉質嫩腍，旁邊有些黑醋沙律，減輕油膩感。