豊勝手丼 (已結業)

朋友就介紹咗銅鑼灣呢間壽司刺身話一定要去試，因為早去到唔使等位，入到去即刻坐，但係食完出面已經有好多人排隊，真係要早啲去食。廚師發辦丼有拖羅、鮑魚、和時令三款刺身，仲有帶子，兩款白身魚同一款紅身魚，刺身份量都幾多，魚生都冇乜筋。而且壽司醋飯新鮮煮出黎仲係暖暖地，飯上面有啲菇，撈埋落飯一齊食又幾好食。蟹甲羅燒蟹膏燒到醬略杰身，加上蟹肉同蟹籽，拌勻後就可以搽上梳打餅食，蟹膏食落味道好新鮮，配埋酥脆的餅食落好夾。京姬 一酌一景 食日本刺身配清酒簡直一流，呢款凍完有少少dry，但又唔會好辛口。