銘興山西刀削麵 (黃埔新邨) (已結業)

經過銘興山西刀削麵，見到好多人排隊， 好出名嘅刀削麵， 所以就係到食午餐啦！ 熱拌刀削麵套餐 熱拌豬軟骨刀削麵擔擔醬酸辣，都幾惹味， 刀削麵唔會太淋，有煙韌嘅感覺👍🏻👍🏻👍🏻 伴有香蔥， 芫茜， 青瓜絲等等， 非常豐富！ 熱拌牛腩刀削麵 刀削麵嘅分量好大, 牛腩都有好多舊， 而且牛筋腩高質, 夠晒淋，唔鞋身， 牛腩醬汁非常濃郁 🤤🤤🤤 刀削麵選擇了芝麻醬， 好香口！ 食曬成碗就已經非常飽！😍 套餐包飲品， 凍飲+$3郊外油菜 有得揀豉油或者牛腩汁， 菜遠新鮮幼嫩! 脆脆春卷有六件， 金黃脆口， 幾抵食！ 花雕醉雞醉雞夠入味，酒味濃郁，雪得夠凍，啖啖肉，仲配糖心蛋！ 雖然店舖細小，但食物高質，可以試下！