阿爺八鮮鍋 (已結業)

呢排身邊好多friend都推薦阿爺八鮮鍋，話主打任食海鮮火鍋，海鮮種類多又夠新鮮，性價比好高。當日我地係閒日6點幾去，大約7點半餐廳已經坐滿晒，所以想去試嘅記得book枱。餐廳擺位唔會迫坐得舒服而且啲枱夠大張唔會放少少野就無晒位，侍應做野亦都夠主動同快手。一個價錢398加一，食足2.5小時，套餐包咗一個刺身拼盤、小食、一個麻辣/芝士雞煲、湯底、一個超級海鮮盒同幾十款任食火鍋配料。宜家餐廳做緊個優惠，加88蚊就有龍蝦任食！- 雞煲有麻辣同芝士兩款口味揀，我地就揀咗芝士口味，芝士份量一啲都唔hea，海量嘅芝士煮溶之後真係拉晒絲，極邪惡！- 超級海鮮盒有活龍蝦、日本元貝、活鮑魚、爆膏蟹、特大虎蝦、時令海鮮等呢個海鮮盒真係超級正，全部海鮮都勁新鮮，送到上黎啲鮑魚都重係識郁，拎黎打邊爐真係一流；龍蝦同虎蝦肉質鮮甜爽彈，鮑魚夠大隻有口感，蟹真係爆晒膏且蟹膏夠甘香- 任食嘅海鮮配料有十款，個人就推薦生蠔、花甲、龍躉頭腩、蟶子皇，因為呢啲係出面嘅任食火鍋根本無可能食到其餘重有總共幾十款嘅肉類、餃類、丸類，滑類同蔬菜等，當中比較出色嘅有鮮蝦水餃、蝦滑、手切安格斯牛肉、黑豚肉、鮮炸紫菜響鈴等食完之後真係唔