光榮冰室 (厚福街) (已結業)

光榮冰室黃都發光，應該冇人唔識，所以今日慕名而來。雖然佢係一間茶餐廳，但係非常乾淨企理，服務亦都係一流，唔怪得知咁出名啦 食物更加令人喜出望外，嗌咗一個沙嗲牛肉三文治同埋蛋牛煲仔飯。沙嗲牛肉三文治非常足料，牛肉好好食，絕對唔係普通茶餐廳沙嗲牛肉一般貨色。蛋牛煲仔飯更加係一流，用上新鮮嘅牛肉，上台前一刻先打一隻新鮮雞蛋，加上充滿焦香嘅飯，完全體現到香港特色嘅煲仔飯，真係好好食！見到好多人都嗌蔥油雞扒飯，下次一定要試吓！