影片
更多
2020-11-21
473 瀏覽
之前係呢到附近返過工，就已經知道堅尼地城係一個充滿特色小店既地方。週末同友人相約一齊去西環泳棚影下靚相，睇完日落之後我地就去左堅尼地城尋找食店，想坐低慢慢傾計同飲返兩杯。🍻揀左呢間未試過既日式居酒屋，門口展示左張好清晰既餐牌，可以睇岩野食先至入去。居酒屋既特色呢到都集齊，燈光柔和昏暗，枱凳都係用木，BAR枱擺左好多店主自己鍾意既日本擺設，牆身有大量日本酒招紙同浮世繪畫作，好有格調。我仲同朋友講笑話，我地好似去左日本咁。😂我地揀左奈良縣既青短之柚子酒，只有10度酒精，水果酒適合一啲本身唔係成日飲酒既人，非常易入口！味道好似冰凍既柚子蜜，每口既餘韵先感覺到較明顯既酒味。飲完仲想嗌多杯😍簡直係同朋友暢談暢飲。一方面，我地order既酒肴同燒物都有一邊送上。有其中幾道我特別推薦。燒魷魚串既醬汁幾特別，帶有少許柚子香，但後勁偏苦，醬汁可以調教得再酸甜啲。鍾意魷魚彈牙既口感。黑蚊蚊既墨汁燒腸口感好得意，外層個衣好似咬緊脆皮腸咁，佢同韓國血腸個種味道都幾類同。但呢個就冇豬血既成分啦~相信食串燒都會唔少得茄子，呢到既茄子串有木耳絲和少許既鹽調味，原汁原味。未必岩重口味人士，燒既時候如果加埋燒汁應該會更
居酒屋既特色呢到都集齊，燈光柔和昏暗，枱凳都係用木，BAR枱擺左好多店主自己鍾意既日本擺設，牆身有大量日本酒招紙同浮世繪畫作，好有格調。我仲同朋友講笑話，我地好似去左日本咁。😂
我地揀左奈良縣既青短之柚子酒，只有10度酒精，水果酒適合一啲本身唔係成日飲酒既人，非常易入口！味道好似冰凍既柚子蜜，每口既餘韵先感覺到較明顯既酒味。飲完仲想嗌多杯😍簡直係同朋友暢談暢飲。
一方面，我地order既酒肴同燒物都有一邊送上。有其中幾道我特別推薦。燒魷魚串既醬汁幾特別，帶有少許柚子香，但後勁偏苦，醬汁可以調教得再酸甜啲。鍾意魷魚彈牙既口感。
黑蚊蚊既墨汁燒腸口感好得意，外層個衣好似咬緊脆皮腸咁，佢同韓國血腸個種味道都幾類同。但呢個就冇豬血既成分啦~
相信食串燒都會唔少得茄子，呢到既茄子串有木耳絲和少許既鹽調味，原汁原味。未必岩重口味人士，燒既時候如果加埋燒汁應該會更惹味。
Menu上面有道好特別既煙肉荔枝卷，未試過呢個配搭就好好奇揀左，品嚐後真係覺得充滿驚喜。建議食既時候感受一下煙肉既咸香先，呢個時候香甜既荔枝汁已經sir左入喉嚨，然後再咬爆荔枝，個口感好得意，兩者味道又好夾！食過之後愛上😍本身係菠蘿愛好者既我，好滿意呢到既燒菠蘿。燒後仍然保持大量果汁，熱力令到佢變得更加高甜度，暖暖地既菠蘿好好味呀。😋
凍既稻庭烏冬有蔥花薑蓉、wasabi、冷麵汁作調味，味道較為普通，食既時候感受到又滑又涼既麵條sir入口，夏天食會好開胃。
獨特既豚肉卷飯團係其他地方好少見，原來係薄薄一層燒過既豚肉卷住有餡既飯團，外層豚肉脆口，略厭豚肉燒得過乾，以及豚肉味不足，但飯團部分好重櫻花蝦味，同埋用既係糯米飯，味道相當配襯，仲配埋日本先有既瓜漬物。
最後食個甜品作結尾，呢到既沖繩黑糖蕨餅灑滿黃豆粉，蕨餅有好出既黑糖味。店員提醒我地蕨餅要放置耐啲先會煙韌啲，我諗係因為岩岩由雪櫃拎出黎既時候雪得太凍。
大滿足既一餐😊，總結係呢到環境唔錯，又有日文歌聽，有氣氛之餘又唔會太嘈雜。食物方面質素中上，價錢都係一般居酒屋既價位。值得再同朋友過黎傾計食飯！
張貼
