陸奧酒場

營業中

休息中

今晚自己一個人食飯，所以諗住簡單食少少野，再小酌一番，所以去左屋企附近呢間好有日本味道既居酒屋自己一個嘆世界。呢間居酒屋既串燒全部都可以用精緻黎形容，每一串賣相都勁吸引，上枱之前已經勁香。首先最好味既係甘薯，加左焦糖令我覺得有d似焦糖燉蛋咁，外脆內軟，蕃薯既甜味出哂黎，呢個真係必試。梅醬紫蘇黑豚又係一個好特別又好正既串燒，小小酸甜既感覺提升左黑豚既味道，豚肉肉感豐富肉質彈牙，味道好有層次，好出色。牛肋肉牛味勁濃加埋陣陣炭燒既味道真係好香。雞髀肉既肉勁滑又嫩，皮又燒得好脆，惹味。串燒豆腐又係外脆內軟，簡單得黎又好味。自家制免治雞肉串連日本蛋，雞肉串溝埋蛋同汁一齊食真係好滑好甜好入味。最後就梗係唔少得既日本生啤啦。