鴻星中菜 (MOKO新世紀廣場)

營業中

休息中

上個weekend去咗旺角Moko行街街，行完去咗鴻星食中菜，茶樓一般都會偏重口味，估唔到呢到味道唔重口味之外，又唔會好油膩感，令我幾驚喜。百味豆腐豆腐外脆內嫩滑，配泰式酸辣汁，非常惹味。拍蒜青瓜青瓜爽脆可口，味道酸酸甜甜，先開開味蕾。海蛯汁龍蝦龍蝦輕輕走油，入口爽彈，配上海蛯汁更添滋味。虎乳菌翡翠炒帶子 帶子好大粒，入口鮮嫩，成粒啪曬入口，好滿足嘅感覺，配荷蘭豆、虎乳菌同雲耳，爽口又清甜。清蒸游水海星斑 星斑幾大條，控制火喉剛好，魚肉軟嫩，配上青蔥加豉油，食落更香口。脆皮炸子雞炸子雞有半隻，炸至金黃色，皮脆肉嫩，入口嫩滑多汁，越食越惹味。羊肚菌杞子浸菜苗 白菜仔用高湯浸煮，配上羊肚菌特別，特別清甜。原個蛋黃壽桃包 壽桃包係白蓮蓉餡同一大粒原隻蛋黃，即叫即蒸，夠曬熱辣辣。精美甜品紅豆沙煲至起曬沙，味道不會太甜，茶樓嘅紅豆沙係特別好食，每次必點。