影片
更多
2020-12-04
140 瀏覽
🍚老爹🥢灣仔皇后大道東202號QRE Plaza9樓每年灣仔利東街既聖誕裝飾都整得好靚，今年都唔例外，知道聖誕樹整好左已經著晒燈，所以收工同埋朋友過黎感受下聖誕氣氛，影完相之後就唸住係附近搵食啦，行到街尾見到呢座QRE Plaza入面有好多唔同既餐廳，我地誤打誤撞就入左黎呢間<老爹>啦餐廳係9樓，一出電梯全層都係屬於佢地既，入到黎感覺好優雅舒服，好鐘意呢到既裝修開頭仲驚黎錯餐廳，因為呢到係灣仔區而且入到黎見到呢到咁華麗既裝修佈置，仲驚食物會好貴，點知原來價錢都好親民，精選套餐都只係百零蚊仲已經配埋餐湯，餐包同餐茶如果想豐富d仲可以揀2人套餐都好抵食架食西餐當然係先飲個餐湯啦，我揀左羅宋湯，非常足料有好多疏菜感覺好健康，另外值得一讚既就係個蒜蓉多士，餐廳係即刻整既，所以送到過黎仲熱辣辣，好香蒜蓉味好脆除左主菜以外，我地仲叫左3款小食，自己最鐘意就係煎鵝肝，好大塊之餘，餐廳煎得好香，底面都係微脆岩岩好，而入口又有即溶既感覺，好吸引另一款就係咸牛脷，記憶上我係第1次食呢樣嘢，但朋友極力推介就即管試下啦，原來都真係幾正架wo, 夠晒厚切食落有口感之餘仲有d咸香，正呀最後就係法
🥢灣仔皇后大道東202號QRE Plaza9樓
每年灣仔利東街既聖誕裝飾都整得好靚，今年都唔例外，知道聖誕樹整好左已經著晒燈，所以收工同埋朋友過黎感受下聖誕氣氛，影完相之後就唸住係附近搵食啦，行到街尾見到呢座QRE Plaza入面有好多唔同既餐廳，我地誤打誤撞就入左黎呢間<老爹>啦
餐廳係9樓，一出電梯全層都係屬於佢地既，入到黎感覺好優雅舒服，好鐘意呢到既裝修
開頭仲驚黎錯餐廳，因為呢到係灣仔區而且入到黎見到呢到咁華麗既裝修佈置，仲驚食物會好貴，點知原來價錢都好親民，精選套餐都只係百零蚊仲已經配埋餐湯，餐包同餐茶如果想豐富d仲可以揀2人套餐都好抵食架
食西餐當然係先飲個餐湯啦，我揀左羅宋湯，非常足料有好多疏菜感覺好健康，另外值得一讚既就係個蒜蓉多士，餐廳係即刻整既，所以送到過黎仲熱辣辣，好香蒜蓉味好脆
煎法國鵝肝配士多啤梨
$68
2 瀏覽
0 讚好
0 留言
除左主菜以外，我地仲叫左3款小食，自己最鐘意就係煎鵝肝，好大塊之餘，餐廳煎得好香，底面都係微脆岩岩好，而入口又有即溶既感覺，好吸引
香煎咸牛脷
$48
3 瀏覽
0 讚好
0 留言
另一款就係咸牛脷，記憶上我係第1次食呢樣嘢，但朋友極力推介就即管試下啦，原來都真係幾正架wo, 夠晒厚切食落有口感之餘仲有d咸香，正呀
法式焗田螺
$78
3 瀏覽
0 讚好
0 留言
最後就係法式焗田螺，好細心已經全部剝曬殼，餐廳用左牛油加薯蓉一齊焗，真係無得頂，好香好好味
美國頂級牛肩脊配紐倫堡腸
$138
2 瀏覽
0 讚好
0 留言
紐西蘭西冷配雜菜沙律薯角
$128
6 瀏覽
0 讚好
0 留言
主菜方面，我地都係無牛不歡既人，所以都揀左食唔同部位既牛，可以share食，我地大家都係好怕牛扒煎得太熟會好鞋口，所以決定揀5成熟，廚師控制得好好，唔會太熟之餘又無流晒血水既情況出現，食落好嫩滑鎖住到肉汁，唔會覺得太乾，保留到牛肉既味道
最後當然要飲埋杯餐茶啦，除左普通咖啡或茶之外，餐廳仲有好多特式飲品可以選擇，跟餐只須加多$8蚊咋，好超值
食飽仲可以落樓下利東街睇下燈飾影下聖誕樹，真係幾爽架
張貼
