章記香港仔魚蛋王

營業中

休息中

好鬼混淆噃！依間幾時變左章記呢？被收購左？見廚房、樓面似乎轉晒左人。隔幾條街既章記香港仔因為舊區重建已經被政府收返間舖喇。淨雲吞魚蛋走蔥，湯底依舊淡荗荗囉，淡如水的魚湯底，無腩汁唔掂，唯有自己勁落辣椒油同豉油啦，雖然辣椒油都係麻麻地，好過無啦。魚蛋質數同味道一向非常穩定，勝在夠安全，點烚都唔會腍唔會爛。夠爽彈、夠味濃、夠白淨，食得過。雲吞我就厭佢太咸喇，有蝦有肉黏得緊緻結實唔鬆散，大大粒又夠飽肚。腐乳通菜走油，夏天未到所以只有旱通啦﹗好靭喎，皮好厚！少啲牙力都趙唔到啦，高纖爽口通菜，今晚便便實好暢快啦。