SUL JIB 술집

營業中

休息中

時代廣場內新開左間fine dining 韓式🇰🇷居酒屋，餐廳內非常雅致，部分卡位有薄紗遮住，而且有一枱可以容納10多個，見佢地係到聚會好有氣氛🥳 2人位置都偏大，唔會迫狹。🍽️白切肉配八爪魚韓國餐廳基本會有嘅白切肉，用料好豐富，有白切肉、泡菜、生菜、紫蘇葉、八爪魚。第一次食配有八爪魚的，但又幾夾，可能係因為八爪魚，好似白切肉嘅口感，煙煙韌韌的，海鮮版菜包肉👍🏻 厚切白切肉加上生菜等配料，一啖過好滿足😋另外仲有韓式蝦醬，蝦醬偏咸，但配無調味嘅白切肉就剛剛好 🍽️辣豬皮滿滿骨膠原嘅豬皮，豬皮處理得好好，冇多餘嘅肥膏喺上面，豬皮口感煙韌，加上甜甜酸酸嘅韓式醬汁，減低左豬皮嘅油膩感。👍🏻🍽️芝士泡菜煎餅冇傳統嘅泡菜煎餅咁乾身，餅底較為軟糯，但餅邊煎得香脆。泡菜味突出，面頭鋪滿芝士，非常飽肚。而且餐廳仲好貼心咁樣切開咗一份份，方便食用😆。泡菜煎餅會配一個醬汁，但我個人比較喜歡點辣豬皮嗰個醬汁😆個人覺得比較夾。🍹Soda 叫左柚子同青檸梳打🍹青新嘅口感可以消滯解膩。一入座嘅時候order左🧊Still Water，飲完soda 亦可以加still water入去，變柚子水。