影片
更多
2020-04-19
3238 瀏覽
話說早幾個月去左尖沙咀間祥x到試左個兩日兩夜羅送湯有dd失望，跟住就諗起呢間餐廳，佢既羅送湯最岩我胃口，反正同行友人未試過，咁岩係假日仲要過埋繁忙時間，咁就入去啦呢個環境，有一種雅緻，係窗邊仲透少少日光，正好平衡下平日繁忙既生活，坐係到好舒服~有個咁靚既景，食野都開胃d~ 呢個羅送湯我係會掛住既，湯底濃厚蕃茄帶少少酸加丁咁多辣，之後口腔仲有些少香草味，真係忍唔住一羹接一羹，蔬菜亦非常入味，正到不得了。個白湯好普通，無咩好講。而跟餐個包亦係普通餐飽，唔夠新鮮，裡面好乾身，好似平日放係屋企幾日既嘉頓餐包咁，搽晒盒牛油都救唔番個包。我叫左個牛尾，又係超推介。牛尾要煮到入味係最基本，呢個牛尾超有膠質，非常鬆化，個汁底同羅送湯唔同，充滿肉汁，撈幾碗飯都得，但因為我怕太飽，叫左薯菜，覺得浪費左個汁，因為個汁點薯菜掛唔到個汁上去，就咁飲又太濃，好後悔呀，叫呢個下次一一定跟個飯，最多要少飯，鐘意撈汁既朋友記得啊~友人食焗豬，佢聽講話好出名但未試過。佢話汁底一般，我都認同，佢唔會有令你想一口接一口既衝動。炒飯底即炒，夠獲氣，所以一上枱大家記得極速巢鬆個飯，如果唔係倒汗水會令個飯唔夠乾身。豬排ok, 夠淋
呢個環境，有一種雅緻，係窗邊仲透少少日光，正好平衡下平日繁忙既生活，坐係到好舒服~
有個咁靚既景，食野都開胃d~ 呢個羅送湯我係會掛住既，湯底濃厚蕃茄帶少少酸加丁咁多辣，之後口腔仲有些少香草味，真係忍唔住一羹接一羹，蔬菜亦非常入味，正到不得了。
個白湯好普通，無咩好講。而跟餐個包亦係普通餐飽，唔夠新鮮，裡面好乾身，好似平日放係屋企幾日既嘉頓餐包咁，搽晒盒牛油都救唔番個包。
我叫左個牛尾，又係超推介。牛尾要煮到入味係最基本，呢個牛尾超有膠質，非常鬆化，個汁底同羅送湯唔同，充滿肉汁，撈幾碗飯都得，但因為我怕太飽，叫左薯菜，覺得浪費左個汁，因為個汁點薯菜掛唔到個汁上去，就咁飲又太濃，好後悔呀，叫呢個下次一一定跟個飯，最多要少飯，鐘意撈汁既朋友記得啊~
友人食焗豬，佢聽講話好出名但未試過。佢話汁底一般，我都認同，佢唔會有令你想一口接一口既衝動。炒飯底即炒，夠獲氣，所以一上枱大家記得極速巢鬆個飯，如果唔係倒汗水會令個飯唔夠乾身。豬排ok, 夠淋夠厚唔乾，好足件頭，你睇下相可以堆到幾高，先滿足視覺！但請不要記起穀飼豬既肉味，這個不會是。飯量相對少，隊晒塊排就岩岩好，唔會過飽~
賣單百幾蚊一個人，仲有餐飲。可以遊閒坐下，服務員好有禮貌，唔錯既，可以再黎！不過都係果句，唔算特別超值，所以呢個價位，同區仍是有選擇的~
張貼
