潮州軒

營業中

休息中

一間極難book嘅餐廳，每次打嚟都full曬，要提早成個月book，除非坐房，最低消費好似要六千蚊起🙂餐廳服務好好，事先有確認訂位亦都有短訊提示當日新寧道入口扶手電梯暫停，建議老人家喺恩平道方向搭𨋢，但係估唔到某啲侍應係唔識廣東話，要用普通話溝通😂店面唔大，只有約十張枱同埋其他貴賓房，我哋被安排坐喺角落頭嘅圓枱，位置好舒適。坐低奉上嘅功夫茶同食完所有嘢之後奉上嘅功夫茶味道係唔同，前者唔會削胃苦澀，後者好甘香比較解膩。鹵水拼盤 有鵝肉，鵝肝，大腸，腎，豆腐，雞蛋，鵝肝有兩種唔同嘅口感，一種比較硬身有咬口帶甘香，另一種好軟糯好滑。鵝肉份量比較少，有啲到喉唔到肺嘅感覺🥲蠔仔烙餐牌有幾種蠔仔烙，唔同價錢，我哋叫普通果種，食落鮮嫩濕潤，唔會炸到乾爭爭，但食唔出有蠔味。脆炸普寧豆腐附上韭菜鹽水， 新鮮炸起點嚟食外脆內 嫩，上面仲配咗炸海苔點綴，一齊食好好味😋脆炸九肚魚擺盤感覺上同炸普寧豆腐相似，都係有炸海苔點綴，但比較失望係佢將九肚魚開咗邊去炸，應該係為咗起骨方便食客享用，但食落就失咗原條厚身嘅口感🥲涼瓜黃豆腩肉煲涼瓜甘香軟淋，同黃豆係絕配，細個有飲過媽咪煲嘅涼瓜黃豆豬骨湯，有種兒時回憶湧出嚟🙂最