Gustoso Burger (海都大廈) (已結業)

同朋友book 左銅鑼灣酒店staycation 玩兩晚，天氣咁熱大家都唔想出街食，就決定行完街睇下附近有咩外賣買番酒店hotel食，見到呢間賣漢堡包既小店幾吸引，我地買左黃金煙芝脆牛堡 $68，大大件既漢堡扒係用4zo美國牛打成，咬落口肉汁豐富，夾住溶溶地既車打芝士、仲有爽口新鮮既生菜和洋蔥，咬左第一啖就停唔到口啦，另外+29 加左兩隻吉列蠔，炸得鬆脆可口，蠔唔會好乾勁多汁，呢啲咁熱既天氣，真係要叫杯青檸薄荷梳打(+4), 大大杯好抵飲，夏日必備之選。