影片
更多
2023-09-04
152 瀏覽
尋日同frd子行D2 place，行到好肚餓，咁啱見到呢間餐廳好似幾正斗，即刻入去試試佢><我地叫咗一個雞煲，有三杯雞煲或者麻辣雞煲可以揀，朋友係無辣不歡人士，就梗係揀麻辣雞煲啦😆雞煲一黎到已經勁香，煮咗陣就食得。佢嘅雞肉超級嫩滑，肉汁香甜。除咗雞，我覺得雞煲嘅精華更加係啲洋蔥，因為佢本身已經有浸洋蔥嘅香甜，索曬麻辣汁同雞味，好味到不得了之🥺食曬啲雞、加埋湯之後我地就開始打邊爐。手切美國prime肥牛肥瘦分佈均勻，入口爽而不膩；手打蔥貢丸超特別，貢丸口感爽脆，內裡有蔥香味撲鼻嘅餡👍仲有個麻辣鴨血根本係超高汁，入口滑如豆腐，同個辣汁完美融合。酥炸花枝丸都好食，餐廳比咗椒鹽可以點，風味十足。最驚喜嘅係個甜品，佢叫七色彩雲。未黎到已經好好奇，之後黎到果然冇令到我地失望🥳佢係豆腐花做底，面頭鋪滿曬白玉圓、芋圓、蕃薯圓、椰果、珍珠、紅豆，仲有香港少見嘅抹茶圓，撈埋啲黑糖汁，真係食到我心花怒放🤤
尋日同frd子行D2 place，行到好肚餓，咁啱見到呢間餐廳好似幾正斗，即刻入去試試佢><
我地叫咗一個雞煲，有三杯雞煲或者麻辣雞煲可以揀，朋友係無辣不歡人士，就梗係揀麻辣雞煲啦😆
雞煲一黎到已經勁香，煮咗陣就食得。佢嘅雞肉超級嫩滑，肉汁香甜。除咗雞，我覺得雞煲嘅精華更加係啲洋蔥，因為佢本身已經有浸洋蔥嘅香甜，索曬麻辣汁同雞味，好味到不得了之🥺
食曬啲雞、加埋湯之後我地就開始打邊爐。手切美國prime肥牛肥瘦分佈均勻，入口爽而不膩；手打蔥貢丸超特別，貢丸口感爽脆，內裡有蔥香味撲鼻嘅餡👍
仲有個麻辣鴨血根本係超高汁，入口滑如豆腐，同個辣汁完美融合。酥炸花枝丸都好食，餐廳比咗椒鹽可以點，風味十足。
最驚喜嘅係個甜品，佢叫七色彩雲。未黎到已經好好奇，之後黎到果然冇令到我地失望🥳佢係豆腐花做底，面頭鋪滿曬白玉圓、芋圓、蕃薯圓、椰果、珍珠、紅豆，仲有香港少見嘅抹茶圓，撈埋啲黑糖汁，真係食到我心花怒放🤤
張貼
