千両 (國際金融中心商場)

營業中

休息中

放工之後非常之肚餓，只想快快搵啲嘢醫肚。係IFC中環附近做開野嘅人都知道千両真係非常之多人。不過平心而論，真係有原因。因為呢間千兩係特別新鮮特別好食。因為實在冇時間去等位呀！所以今日呢就外賣。我最喜愛呢就會係海膽軍艦，雖然真係幾貴下伍拾幾蚊兩件。但係佢啲海膽非常新鮮甜美，而且極度足料。一舊大大嚿咬落去，簡直係多汁又好味，非常之大滿足。另一款我同老公都非常喜愛嘅，就係佢哋嘅牛肉壽司（忘了officially叫咩名）。其實牛肉生食可能唔係咁多人接受到，但我地就覺得佢嘅牛肉真係非常之新鮮。而且即叫即做，同和牛真係有得揮。佢地另外一款嘅和牛壽司呢就比較貴，但係其實同呢一個牛肉壽司分別好似不大。所以又平啲又好味，一於就直頭叫兩客。服務方面亦不錯。所以已經食咗好多好多次。我今日真係的起心肝寫文讚一讚。不過外賣你都預咗要等大約20分鐘左右啦。我諗佢都係一定繼續好多人陫㗎啦。