影片
更多
2021-08-04
46 瀏覽
經朋友介紹下，黎到呢間位於銅鑼灣既「三鍋」，作為火鍋控既我，當然唔少得要黎試一試啦。入到去，職員都好殷勤地招待，地方唔算大，但入邊有兩個包廂，感覺上有啲似私房菜，非常有私人空間。我哋兩個人坐係出面，枱與枱之間都唔會好迫，枱面亦都好闊落，環境都幾舒適。打邊爐當然最緊要係鋪晒成枱都係餸，然後慢慢咁食，咁就最正喇😋😋。之後店員好主動地將啲配料遞上，然後我哋就揀自己喜好嘅配料一陣打邊爐用既。我地再睇一睇個餐牌，種類都算幾多下，最後我哋揀咗湯底係-古法沙嗲鍋（$98）。佢個味道比較濃郁，有好重嘅花生醬味，湯底入面又會有一啲豆腐同冬瓜，配搭埋落個湯底度都幾入味。佢哋啲火鍋材料都係主打高檔路線，非常新鮮。就好似美國特級雪花❄️肥牛咁（$198），佢啲油脂分泌均勻適中，又好重牛味，正！之後叫左碟脆肉鯇魚腩（$98），味道超爽脆，勁有魚鮮味，又夠厚切，非常推介。我哋仲叫左台式鴨血（$68）同西洋菜（$48）。鴨血整得好大嚿，完全唔會有腥味，質感非常之滑。而個西洋菜都洗得好乾淨、好新鮮，淥落去個湯底到吸哂啲精華，真係好岩打邊爐叫呀。整體來講，呢間「三鍋」都係單點配料，都走比較高檔少少既路線。飲品有埋紅白酒🍷
入到去，職員都好殷勤地招待，地方唔算大，但入邊有兩個包廂，感覺上有啲似私房菜，非常有私人空間。我哋兩個人坐係出面，枱與枱之間都唔會好迫，枱面亦都好闊落，環境都幾舒適。打邊爐當然最緊要係鋪晒成枱都係餸，然後慢慢咁食，咁就最正喇😋😋。
之後店員好主動地將啲配料遞上，然後我哋就揀自己喜好嘅配料一陣打邊爐用既。
我地再睇一睇個餐牌，種類都算幾多下，最後我哋揀咗湯底係-古法沙嗲鍋（$98）。佢個味道比較濃郁，有好重嘅花生醬味，湯底入面又會有一啲豆腐同冬瓜，配搭埋落個湯底度都幾入味。
佢哋啲火鍋材料都係主打高檔路線，非常新鮮。就好似美國特級雪花❄️肥牛咁（$198），佢啲油脂分泌均勻適中，又好重牛味，正！
之後叫左碟脆肉鯇魚腩（$98），味道超爽脆，勁有魚鮮味，又夠厚切，非常推介。
我哋仲叫左台式鴨血（$68）同西洋菜（$48）。鴨血整得好大嚿，完全唔會有腥味，質感非常之滑。而個西洋菜都洗得好乾淨、好新鮮，淥落去個湯底到吸哂啲精華，真係好岩打邊爐叫呀。
整體來講，呢間「三鍋」都係單點配料，都走比較高檔少少既路線。飲品有埋紅白酒🍷，同日本清酒🍶個啲俾客人揀，真係好岩一班人黎食呀。
張貼
