令酒場 (已結業)

令酒場係中環黎講算係幾唔錯既日本餐廳，裝修簡簡單單，但就坐得好舒服，環境好好。今日試佢地既午市套餐，先黎極上魚生丼，呢個既刺身認真足料，有大吞拿魚腩，日本海膽，深海池魚，帆立貝，金目鯛，三文魚，赤蝦，油甘魚，每款都厚厚的，質感好好，魚肉結實甜美，油脂充足，海膽都好creamy好鮮甜，全部刺身都勁正呀！另一個就係溫泉蛋火山牛肉丼，啲燒牛肉包住成個飯，仲有流心既溫泉蛋，就咁睇都覺得豐富，溫泉蛋充滿蛋香，係日本蛋既香味呀！燒牛肉熟得岩岩好，口感好嫩，牛味又夠晒，仲有鋪頭秘製醬汁，撈勻黎食口感豐富到難以形容！午市套餐包埋沙律，茄子同麵豉湯，份量岩岩好，做前菜岩岩好！