口麻天辣

營業中

休息中

今次我同朋友去咗南昌一間新派川菜餐廳，叫咗佢哋嘅皇牌二人套餐，菜式非常豐富，真係好滿足！套餐內容豐富，每樣菜都充滿驚喜。-首先，套餐包括一款涼菜，涼拌萵筍絲香脆清新，搭配麻油食落非常香口。主菜天花頂酸菜魚魚片鮮嫩，酸菜嘅味道酸酸辣辣，啖啖入味，令人胃口大開。魚肉嘅質感好滑，搭配酸菜，簡直係絕配，而且份量仲好足料添～-接住嚟係清新藤椒湯麻辣燙，湯底藤椒嘅香氣撲鼻而來，辣度適中，唔會太過刺激。配料可以自己選擇，我地揀咗嫩牛肉、魚片頭、金針菇、大豆芽同萵筍片，各種食材都保持住原汁原味，特別係嫩牛肉，大大塊好軟諗，令人食唔停口。-甜品方面，紅糖糍粑絕對係不得不試！外脆內軟，紅糖嘅香甜味令我回味無窮，搭配一杯手打檸檬茶，酸酸甜甜，清新解膩。-整體而言，呢個皇牌二人套餐真係好值得推介，無論係味道、份量或者性價比，都非常出色。如果你想體驗新派川菜，千祈唔好錯過呢個套餐！