影片
更多
2024-03-11
29 瀏覽
🚩Boat Thai越嚟越近啊姨返美國嘅日子，決定要同佢食盡香港🍽️下禮拜飛埋去日本再食過🤭美國就大把西餐食，所以佢就偏愛東南亞菜同中菜🍲行完尖沙咀海旁就同佢地過嚟iSquare，聽聞有間好抵食嘅泰國菜🏖️〰️〰️〰️〰️〰️〰️〰️〰️〰️〰️〰️〰️〰️〰️🌈泰式炸蝦餅 $58有厚度嘅蝦餅，新鮮炸起夠彈牙咬落有淡淡蝦嘅鮮味滲出來🦐🌈香茅炸雞翼 $48唔係有晒炸皮嗰一款，相對冇咁熱氣雞翼炸到脹卜卜有肉汁面頭仲有炸蒜增香🧄🌈泰式乾炒豬肉片河粉 $78用比較幼身嘅河粉炒唔算話好有鑊氣，不過有胡椒香唔知點解勁多紅蘿蔔，食極都仲有🤭🌈鮮菠蘿海鮮炒飯 $88炒飯配搭新鮮菠蘿，菠蘿非常甜多汁配料方面都好齊全，臘腸鮮蝦都齊曬主食嚟講推薦依款🌈泰式黃咖喱牛腩 $88高分咖喱，流動程度啱啱好唔會杰到好似打咗芡，又唔會稀到唔掛汁而且份量勁多，夠餸兩大碗飯有餘牛腩炆得淋身，薯仔都粉粉綿綿🌈泰式冬陰功湯 $98份量比我想像中細，不過味道真係好唔錯唔會過酸或者過辣裏面仲有一隻大頭蝦同雜菌不過略嫌蝦肉唔夠新鮮🌈海南雞半隻 $118估唔到半隻都有咁多雞肉夠嫩滑，配埋酸辣醬真係好有泰國嘅味道🌈芒果糯米飯 $68芒果夠甜不過有少少渣糯米飯微暖，夠曬
越嚟越近啊姨返美國嘅日子，決定要同佢食盡香港🍽️下禮拜飛埋去日本再食過🤭美國就大把西餐食，所以佢就偏愛東南亞菜同中菜🍲行完尖沙咀海旁就同佢地過嚟iSquare，聽聞有間好抵食嘅泰國菜🏖️
〰️〰️〰️〰️〰️〰️〰️〰️〰️〰️〰️〰️〰️〰️
🌈泰式炸蝦餅 $58
有厚度嘅蝦餅，新鮮炸起夠彈牙
咬落有淡淡蝦嘅鮮味滲出來🦐
🌈香茅炸雞翼 $48
唔係有晒炸皮嗰一款，相對冇咁熱氣
雞翼炸到脹卜卜有肉汁
面頭仲有炸蒜增香🧄
🌈泰式乾炒豬肉片河粉 $78
用比較幼身嘅河粉炒
唔算話好有鑊氣，不過有胡椒香
唔知點解勁多紅蘿蔔，食極都仲有🤭
🌈鮮菠蘿海鮮炒飯 $88
炒飯配搭新鮮菠蘿，菠蘿非常甜多汁
配料方面都好齊全，臘腸鮮蝦都齊曬
主食嚟講推薦依款
🌈泰式黃咖喱牛腩 $88
高分咖喱，流動程度啱啱好
唔會杰到好似打咗芡，又唔會稀到唔掛汁
而且份量勁多，夠餸兩大碗飯有餘
牛腩炆得淋身，薯仔都粉粉綿綿
🌈泰式冬陰功湯 $98
份量比我想像中細，不過味道真係好唔錯
唔會過酸或者過辣
裏面仲有一隻大頭蝦同雜菌
不過略嫌蝦肉唔夠新鮮
🌈海南雞半隻 $118
估唔到半隻都有咁多
雞肉夠嫩滑，配埋酸辣醬
真係好有泰國嘅味道
🌈芒果糯米飯 $68
芒果夠甜不過有少少渣
糯米飯微暖，夠曬煙靭
🌈泰式檸檬茶 $25
🌈青檸梳打 $38
張貼
