燒肉LIKE (新城市廣場一期)

營業中

休息中

今日lunch去咗燒肉like食，平日兩點幾去到，唔駛等位就可以入。燒肉like要手機QR code落單同付款，唔收現金，只可以電子支付。付款後至開始接order送餐。燒肉like可以單點肉或點套餐(包括1碗白飯、1碗和風湯、1份泡菜或迷你沙律)。我地點咗2份套餐，1份牛五花套餐(100g)，1份牛五花套餐(200g)，2份套餐都配迷你沙律。牛肉同五花肉嘅肉質都唔錯，肥瘦相間，燒完食落唔韌，沾滿枱上提供各款嘅醬汁，好惹味。蒜香醬油呢款醬汁配燒肉最夾。整體嚟講，呢間一人燒肉性價比高。