但馬屋 (創紀之城五期(apm))

營業中

休息中

工作日諗著一個人或者同同事一齊食放題又唔夠時間?呢間高質量午市火鍋店夠抵!但馬屋喺觀塘APM內，環境好好，吸引我地今次行入去。60分鐘午市分兩類，可選擇定食套餐，最平嘅係牛肉豚肉混合，先109蚊，蔬菜任食，仲有哈根達斯雪糕。雖然平，但係肉質都幾好! 放題套餐最平先159蚊。鍋底都有好多選擇，千夜鍋，甘露鍋，藥膳麻辣鍋，美肌鍋，意式番茄芝士鍋，睇個名都想試下。今次揀咗番茄芝士鍋，但芝士味唔算濃郁，同一般番茄鍋底差唔多。總體來講，呢間火鍋店環境好好，食材都幾新鮮，工作日午餐打邊爐性價比超高!