蘇媽.蘇媽馬來西亞茶餐室 (已結業)

❣️蘇媽.蘇媽馬來西亞茶餐室 🔍尖沙咀加連威老道10號加威中心地下-----懷舊馬拉風嘅特色裝潢，絡繹不絕嘅人流，呢間位於尖沙咀嘅馬拉人氣餐廳，其實於香港開了有一段時間，但直至近日見到佢地連開好幾間分店，先忍唔住黎試一試，結果一試愛上，有種相逢恨晚嘅感覺😌。餐牌選擇說不上極多，但應該有的基本上都有，肉骨茶、麵食、飯食、小菜、小食、多士、特色飲料等等，而且價錢全部都算係合理實惠💰。🐖棒棒骨（$92）Baby pork leg每枱都幾乎必點嘅香醇肉骨茶，最平$48叫金菇豆卜就可以湯底無限任飲，棒棒骨算係肉骨茶裡面價錢中等嘅選擇，想要任飲，但又想平啲，建議可以選擇有肉食但又唔貴嘅豬手仔$52或豬肚$52等。棒棒骨輕輕用筷子一夾🥢便可離骨，入味且質感軟腍，彈性甚佳，配搭索汁嘅豆卜及絲絲金菇，越食越上癮。🍞椰香咖央多士（$32）Kaya Toast同行友人近日減肥中，所以我地叫咗走牛油，走完牛油之後，少了幾分鹹香同滑溜，鹹甜平衡得相對無咁好。不過由於多士烘得香脆，咖央醬亦份量重手，所以可幸味道依然誘人，但當然唔怕肥的話，加埋牛油🧈就更係無得輸。🥘馬拉咖哩雞撈麵（$62）Curry Chicken