Dood Bottega Gelateria

營業中

休息中

呢間舖嘅出品，由佢當年仲係灣仔嘅時候已經開始食，到而家搬嚟k11都一段時間喇。 蔡瀾加持就更加不在話下。Gelato 款式多，但價錢都真係唔平，比當年灣仔似乎更上一層樓，但用料亦再高咗一個檔次。開心果、朱古力等等大路選擇之外，而家仲有各式日本生果。 整 gelato 用到血橙，有品種嘅日本蜜瓜、士多啤梨等等都算誇張。雖然好想各種頂級食材都試曬，但始終都有啲心理關口，於是揀咗日本蜜瓜、開心果同朱古力。蜜瓜非常鮮甜，係忠於原材料嘅鮮甜。開心果落咗少少海鹽，幫助帶出開心果既鮮味同埋減少咗膩既感覺。朱古力味都可口。Gelato 質地比較軟同埋快溶。 據聞呢個係忠於原材料，無添加嘅代價。如果係咁，我樂於接受。見好多人留言話貴，都係架。 追求越高質素既野，價錢往往上升得更快。 幾百蚊雪糕食完又確係唔會議飛。 正如過千飲枝 single malt, 幾千食餐米芝蓮，都唔會議飛。 如果追求性價比，咁食牛奶公司囉。